Else Karin Tysse Bysheim

Bio: Else Karin Tysse Bysheim (f. 1959) bur og arbeider på Osterøy utanfor Bergen. Ho har utdanning frå blant anna Kib, Kunstfagskolen i Bergen, Kunst og Handverk ved Høgskulen på Vestlandet, Institutt for Kunstterapi, DK, og Tekstil, ved Vestnorsk Kulturakademi. Bysheim arbeidar hovudsakleg med skulptur og installasjon der ho tek utgangspunkt i eige levd liv. Ho er opptatt av forholda mellom industrielle materialer og naturmateriale. «Å arbeida med gummislangar og metall fører meg tilbake til metallbedrifta eg vaks opp i. Bardommens hage bestod av metall, betong og lastebilar» Bysheim har stilt ut ved Galleri Soft, Oslo, Halsnøy kloster, Kvassheim fyr «On the edge», La Casa Amarilla, Málaga, Spania og Osterøy museum. Ho har også deltatt i ei rekke gruppeutstillingar som Årsutstillinga i Norske Kunsthandverkere samt Vestlandsutstillinga, Pianorama – Harding Puls, Kunstbadstove prosjektet, Osterøy, Galleri Salhus, OddART – Odda, Oranki art – Finland , Fabrikkert, Osterøy. Bysheim er innkjøpt av Sørlandets kunstmuseum.